Heiyatoh wa ka Meghalaya Legislative Assembly Election 2023 wei wow pyntikna wa bait i wan i lai kiwa kreh Election cha ki thaw thap Vote (Polling Station), da pynkylla ya i rukom lai ki kari ha ka 25 wa 26 tarik uni u bnai ha Jowai.
I rukom pynlai kari man i kamni ha wah:
Daw booh No Entry ha laad Thomas Jones dei ym chah wow lai cha DC Office.
Ym chah u lai na Wahnangbah (Dai Khubor) deiwa dong cha DC Office.
Ym chah u psiah na Mission Compound cha DC Office.
Ym chah u psiah na Dawki Stand cha sarok Mynthong (District Library).
Ym chah u psiah na Khimusniang (Umshangiar Junction) cha Madan Jrisaleiñ.
Ym chah u lai kari na DC Office cha Madan Jrisaleiñ lyngba ka H.K. Singh School.
Ym chah u psiah na Le Laad H.K. Singh School cha Madan Jrisaleiñ.
Waroh ki kari wa wan na ki dong ki kyntoit daw khang ya ki wow psiah cha Iawmusiang itæ na Mynthong, Chutwakhu, Iawmusiang.
Ki kari wa wan na Khimusniang hap lai ki na Chilliang Raij lyngba ka Umshangiar.
