Neidaw wa daw em ka niaw Vote neibynta ka Election Dolloi yong ka Elaka Nartiang wa Shangpung kawa daw pynman haka 25 tarik uni u bnai kawa daw sdang nadooh 9:00 waje i step ha MDC Hostel ha Riatsasim, Jowai.
Kamtæ neiliang u SP da pynbna u yei rukom pynlai kari neibynta katai ka sngi iwa nadooh 7:00 waje i step hadooh wa pyndep yei niaw Vote.
I rukom pynlai kari man i kamni ha wah:
Daw booh da ka “One Way” na Stand War yow lai cha Amlarem.
Waroh ki kari wa wan cha kani ka niaw Vote hap ki wow pynyieñ ha sarok Mynthong.
Ym chah ya kiwon kiwon ki kari wow pynyieñ ki ha ki bynta wa em ka MDC Hostel.
Waroh ki kari wa wan na Amlarem hap ki wow lai na ka sarok Amlarem Bypass.
Daw booh ya ka “No Parking” ha tymbud u sarok Riatsasim.
Daw booh leh ya ka “No Entry” ha Riatsasim yow lai cha Stand War wa ha waroh ar thaw wow lai cha u sarok MDC Hostel.
