Jowai : Hei yatoh wei wan hiar u lat ka jylla u V. Shanmuganathan ha kani 12 tarik cha Jowai yow pynhaap pyrda ya ka yaleh kmen Platinum Jubilee ka Dorbar Chnong Lumiongkjam wei kamjooh leh i em ka concert Fire House ha Panaliar ha kajooh ka sngi, ki bor pulit ka West Jaintia Hills District da pynbna ki yei rukom pynlai kari ha katai ka sngi u man ki kamni ha wah.
- Waroh ki trok wa wan na East Khasi Hills wa no Ri-Bhoi District cha West Jaintia Hills daw pynsangeh ya ki ha Wahmynsoo kawa em ha u surok bah NH-44 nadooh 3 waje janmiet hadooh 10 waje i miet.
- Waroh ki trok wa wan na East Jaintia Hills cha West Jaintia Hills daw pynsangeh ya ki ha Phramer nadooh 3 waje janmiet hadooh 10 waje i miet.
- Ki thaw booh kari hei yatoh wa ka Concert Firehouse da pynkhreh ha madan Dulong, madan Tpep-pale, ha Aitnar, Chilliang Raij, Iawmusaing wa ha rood ka Thomas Jones College.
Discussion about this post