Shillong: Ka chnat pulit ka East Khasi Hills District da pynbait ko ya i rukom pynlai kari ha ka 23 tarik kawa man ka sngi tlep ya u Most Reverend Archbishop Dominic Jala khnang wow lait na i thut næ i khynñia kari.
Hawa yaklam wa ka Superintendent of Police ka East Khasi Hills, ka Claudia Lyngwa ynne ka sngi da kyntu ko ya ki paidbah ka sor Shillong wow lai dei kjat lada lai lehwarom khaddooh ki ya u Archbishop ha katai ka sngi.
Ka SP da ong ko wa ka chnat pulit da pynbait ko wa ya ka sarok na Dhankheti cha Don Bosco daw khang ya ka ha kani ka sngi.
Da ong ko leh wa ki kari heh wa wan na ka thaaiñ Madanrting haap pynyieñ noh ki ha Madan Nongthymmai, wa ha madan Ïewrynghep, Laitumkhrah.
Ki kari wa wan na ki thaaiñ Upper Shillong haap pynyieñ noh ki ha Butcher Road katwa kiwa wan na Ri-Bhoi wei kiwa lai lyngba ka Mawlai haap pynyieñ noh ki ha Polo.
Discussion about this post