Ha kini ki sngi wa dadep da mih i ujor hajrong i man chngaaiñ ka yingkieñ-naar kawa em hajrong u sarok Loomsooyung, Jowai kawa pynyabi ya ki ar tylli ki skur ha Jowai, ka St. Mary Mazzarello Girls Higher Secondary School wa ka Marian Hill Higher Secondary School.
Nadooh wa da khang wow pynemkaam ya kani ka yingkieñ da mih ki ujor wa da kani ka yingkieñ da booh ko hei maa ya kiwa lai wa wan wa khamtam ki khynnah skur neibhah wa da synjor ko wei wa ye ko u haap ha iwon iwon i por.
Katkam ka rai na ka yung krehkaam u Deputy Commissioner, da ong wa ya kani ka yingkieñ toh u sliah ha ka 27 Khonchonglad tangwa na ki daw wymye u kiar da kyrriah noh ya ka sngi cha ka 4 Kmaichonglad (kawa man mynstep ka sngi).
Katwa kamtæ heipor wa sliah ya kani ka yingkieñ daw em i pynkylla ya i rukom pynlai kari ha Jowai nadooh i step ka 4 tarik neipor 05:45 i step hadooh wa da dep sliah ya ka yingkieñ.
I rukom pynlai u man i kamni:
- NO ENTRY ya waroh ki kari na Daimasi cha New Hill tangwa daw chah u lai ki lyngba ka sarok Moosalyngkat.
- NO ENTRY ya waroh ki kari na New Hill Point cha Curcuit House – Ladthadlaboh heiwa ki kari u lai ki kyngba ka Kynruh Saphlang/Iawmusiang.
- NO ENTRY ya waroh ki kari na Circuit House Junction cha New Hill.
- U sarok Kynruh Saphlang wa Thomas Jones Road u man uwa chah wow lai ki kari pyn ar liang hadooh wa dep i kreh.
Da kyrpaad ya ki paidbah wow man ki kiwa yaichah kam ha ini i por.
Heijooh i por da kyntu ya ki karkhana nadooh ka BSNL, ki Cable TV Operator, ka MeECL wa kiwi kiwi wow wan ki chaphrang wow looid ki ya ki sainar yong ki na kani ka yingkieñ.
