U SP ka East Khasi Hills da pyntip u wa kam chibynta wow pyrchang donhi dei thmu wow pynsuk yei lai i wan ki kari ha thaaiñ Nongrim Hills wa Laitumkhrah, neiliang ka Shillong Traffic Police daw booh ya artylli ki One-Way iwa daw pyrchang nadooh ka 17 tarik uni u bnai hadooh ka 21 tarik uni hi u bnai.
Kawi ka One-Way toh ya ki kari wa wan na Rynjah yow lai cha laad Seventh Day, Laitumkhrah wei kini daw hap ki wow dong noh manda poi ha ka laad wa em ka SBI ATM ha Nongrim Hills wei daw hap ki wow lai nadien ka NEC Secretariat yow mih ki ha laad Nagaland House.
Ka One-Way wa ar won toh ya kiwa psiah na laad Seventh Day, Laitumkhrah yow lai cha Nongthymmai-Nongshilliang wei kini daw hap ki wow lai da ka sarok wa nakhmat ka NEC Secretariat wei daw hap ki wow dong cha timun manda poi ki ha laad wa em ka SBI ATM ha Nongrim Hills.
Discussion about this post