Jowai: U Superintendent of Police (Traffic) EKH da pynbna u ya i rukom pynlai kari ha nongbah Shillong ka wow krehkaam nadooh mynstep ka 27 tarik ka wow pyrchang chipor yow pynduna yei joor i sahkut kari ha ki por sdang skur wa ki yung krehkaam sorkar kamjooh heipor wa kut.
Daw booh yaka “No Entry” nadooh 7:30 i step hadooh 9:00 waje i step wa nadooh 2:00 waje i sngi hadooh 4:00 waje i sngi ya waroh ki jait kari wa wan na Fire Brigade-St. Edmund’s College-St. Peter’s College kiwa kwah wow lai cha Upper Lachumiere. Da hap ki wow lai ki na liang tidiang u sarok wei wow psiah cha ka sarok wow lai cha Woodland Hospital-Bawri Mansion-Malki Point.
Heipor wa ym em No Entry, ki kari u lai ki kamwa jooh hi.
Ha kiwi won ki thaw ha Shillong yow pynduna ya i sahkut kari ha Riatsamthiah wa ha Wahingdoh daw boh noh ya ka No Entry ka wow neh bait ha Christian Academy Junction ya waroh ki jait kari kiwa wan na Wahingdoh kiwa kwah u lai cha Jaiaw Shyiap. Kini ki kari hap ki wow lai na liang tidiang ka sarok yow psiah cha ka sarok wow lai cha yung krehkaam u Hima Mylliem.
Daw em leh ka No Entry kawa neh bait ka wow booh ha Hima Mylliem Junction ya waroh ki jait kari kiwa wan na Mawkhar wa na yung krehkaam ka Hima Mylliem kiwa kwah wow lai cha Wahingdoh, hap ki wow lai cha ka sarok wa lai cha lai cha Riatsamthiah.
I bynta ka sarok nadooh Wahingdoh (No Entry Point) hadooh ka yung krehkaam ka Hima Mylliem u man ko ka No Parking Zone.
Ki kari wa wan na Riatsamthiah Presbyterian Church Junction ym chah u dong ki cha liang timun, hap ki wow dong cha tidiang kawa lai cha Christian Academy School.
Ka Jaiaw Shyiap, Christian Academy Junction wa Hima Mylliem Junction u man bait ko kam ka One Way.
Neiliang u SP da kyntu u ya ki paidbah wow man ki kiwa ya krehlang.
Discussion about this post