Jowai: U SP (Traffic) ka East Khasi Hills da pynbna u yei rukom pynlai kari wa thymme ha Shillong i wow pyrchang chi por i wow sdang nadooh ka 27 tarik uni u bnai.
Ini i pynlai kari toh nadooh Civil Hospital Point kiwa lai cheiliang Anjalee Petrol Pump NH-40 heiwa waroh ki kari khian (Light Motor Vehicles) hap ki wow dong cha tidiang manda poi ha Rhino Point yow lai cha Bishnupur wei u poi biang ki cha ka NH 40 deiwa skit ki chiteiñ ka Rhino Point. Ki kari wa heh wa khia won hoi u lai ki kamwa jooh.
Daw em ka No Entry ya ki kari khian wa wan na Anjalee Petrol Pump kiwa kwah u lai cha Bishnupur wei hap ki u poi lang ha ka jooh ka sarok kawa wan ki.
Waroh ki kari wa wan na Bishnupur kiwa kwah u lai cha Civil Hospital-IGP Point ym emkaam ya ki wow lai chadooh cha Anjalee Petrol Pump yow yoh ki u dong cha timun, ye ki wow skit pyn ha Rihno Point yow poi biang cha ka NH 40.
Discussion about this post