Kam chibynta wow pynkhreh ya ka Chaad Sukra ha Jowai kawa daw pynman ha ka 22 wa 23 tarik uni u bnai, neiliang u SP da pynbna u yei rukom pynlai kari kawa yatoh wa ka 23 tarik donhi.
Ha katai ka sngi u khang yei psiah ki waroh ki jait kari nadooh 1:00 waje i sngi hadooh 4:30 i janmiet kiwa wan na Thomas Jones Junction yow lai cha Iawmusiang.
Da khang yei wan ki kari neiliang Tpep Pale na Wahnangbah yow lai cha Iawmusiang wa kiwa wan na laad DC yow psiah cha Iawmusiang.
Da khang leh ya waroh ki jait kari nadooh 1:00 waje i sngi hadooh 4:30 i janmiet kiwa wan na laad Dulong (Kdohkule) wow lai ki cheiliang Iongpiah, kiwa wan na Loomiongkjam yow lai cheiliang Iongpiah, kiwa wan na Loomkyrwiang yow lai cha Iongpiah wa kitu kiwa wan neiliang ka yung krehkaam u DC wow lai cha Mission Compound.
Da khang leh wow pynyieñ kari ha waroh kawi ka Iawmusiang nadooh 10:00 waje i step hadooh wa kut kani ka Chaad Sukra ha Jowai.
