I rukum pyllai kari ha Shillong ha ka sngi thap Vote

Jowai: U Superintendent of Police (Traffic), East Khasi Hills da pyntip u wa neidaw wa da jan ka sngi Election cha ka KHADC kawa da booh tarik ha ka 27 tarik uni u bnai heiwa ka thap Vote u sdang ko nadooh 7 waje i step hadooh 4 waje i janmiet wei daw boon ki kari wow hiar cha madan Polo, Shillong nadooh ki pulit wa liwan, i pynuiñ ya ki kor EVM hadien wa kut i thap Vote.

Kamtæ kini ki sarok ha wah u man ki kiwa khang namo No Entry Zone nadooh 5 waje i janmiet:

Ki kari wa wan na Polo Tower yow lai cha Polo ym chah ya ki wow lai ki cha CRPF Junction. Hap ki u lai cha Lawmali namo cha 4th Furlong.
Ym chah wow lai cha Polo Bazar ya ki kari wa wan na CS Junction.
Ym chah ya ki kari wa wan na Rynjah, New Colony cha 4th Furlong. Hap ki u lai cha Lailad Langkyrding, Nongmenson.
Na Forest Colony cha CRPF Junction, Polo u man ki ki wym chah psiah kari. Ki kari hap ki u lai na Mawroh Junction.
Ki kari wa wan na ki thaw Polo ym chah wow lai ki cha Golf Link.
Daw em leh ka No Entry ha Velco School; ka Gate dien ka JN Stadium hadooh ka Velco School u man ko kam ka One Way wei kani ka sarok ym chah wow pynyeiñ kari ha waroh arliang, kiwa leh pyrchah daw pynchitom ya ki.
Nadooh Polo Junction hadooh 4^th Furlong-JN Stadium Rear Gate (5^th Furlong)-NEEPCO-MES Junction-Lailad Junction (Nongmensong)-Shyiap-Golf Link Junction-Golf Club-CRPF Junction hadooh wa poi biang cha Polo u man ki kam ka Ring Road yow pynduna i sahkut ki kari.