Shillong: Ki MLA ka Peoples’ Democratic Front (PDF) da pynsñiaw ki wa i pynslem yong ka sorkar India wow yaklam waka jylla hajrong ka Inner Line Permit (ILP) kamwa da chimrai lang da ka dorbar MLA daw wanrah ko yei wym sñiawsuk.
Hawa klam ynne ka sngi wa ki laad pathai khubor, u MLA ka PDF uwa man leh u montri ha ka sorkar MDA, u Hamletson Dohling da pyntip u wa ki MLA ka PDF ha ka 6 tarik uni u bnai da pynsñiaw ki ha u montri rangbah, u Conrad K Sangma ya i sñiawkhia neibhah wa i boohteiñ ka sorkar India wow yaklam noh hajrong ka Inner Line Permit (ILP) wa ka sorkar jylla.
Da pyntip u wa ha katai ka yachem, neiliang ka PDF da kyntu ko ya u Conrad wa toh u pynbor wei wow leh da iwa eh ya ka sorkar India wow chimkhia ya ini i emkaam ka jylla.
Da pyntip u wa neiliang u montri rangbah da dep yachem u wa u Amit Shah heiwa da kyntu u ya oo wow khut yaklam smat noh.
Hawa kylli hajrong u MLA ka BJP, u Sanbor Shullai uwa png lada ka BJP yoh ko wow yahkhmat yaka sorkar, ya ka ILP ye u pynyoh du hapoh chitayaw, u Hamlet da ong wa ya ka sorkar yei wow yah da kawon kawon tangwa yaka ILP toh u pynmankaam.
Kam wow kdaw heini, rap nachwa ha i lai yahcem yong ka kynhun na ka sokar MDA hadien wa da dep wow mynjur da ka yung dorbar , u Amit Shah da ong u wa daw khut ya kiwa yahkhmat ka MDA hadien ka Election MLA ha Delhi kawa da kut noh ha kani ka 8 tarik.
Discussion about this post