Da u: Refil Sari
Aa ka sa du i sma i tung kat chawa wan wa lai,
Ha Iaw Thymme kamjooh ha Iawmusiang Jwai.
Wa ya noh jhep phi khlem ya syndong,
Khamtam ya kiwa wan chong dai ha Jwai na sor wa na nongkyndong.
Yei yi ma-ai u kynnoh i hawa jia kamni!
Hoi hi mo u kynnoh du ya ki pli Ki MLA waki MDC?
Ka JMB waka JHADC,
Boi da boon ki laad wa da ya pyrchang ki pli.
Ki bor District wa ki Dorbar Chnong,
Da ood da yaam cha wa thiah wa chong.
Wa da ya boon pyrkhat du neibynta ini,
Du neibynta yow suk ki khon ka ri.
Yei thaw noh jhep, kopsar wym em de wa dai,
Nadooh wa chah khang ha Mynkjai.
I-leh ma-ai wa chah khang u noh jhep kamni?
Toh hi ma-ai wym biang i pyrkhat ka JHADC?
Lyngba ini i Poetry kwah O u pynsñiaw cha phi,
Ki lok wa wan chong dai ha Jwai man-ka-sngi.
Ham noh de yei jhep wa mih na phi kat cha wa yoh,
Thap ha churia, kit cha chnong yong phi te noh.
Paan maap O na phi ki lok waroh,
Boi em ki kyntien wa bakla O u thoh.
Chnong Jwai wa maya nang ku chaphrang ha ki kaam waroh,
U Tre-Kirot ya pha wow kyrkhu khyrdoh.
