Ka Jaiñtia National Council (JNC) dap ko da i mynsien iwa sñiawsih kthang hajrong i yap syndet u Kynjaimon Amse uwa man leh u muktiar wa bna naam ka Bri u Ynñiawtrep Ynñiawskum uwa da khlaad ynne ka 23 tarik, wei phah ko leh ka khubor sñiawlem cha ka yung ka sem yong oo.
Ya u Kynjaimon Amse ka seiñ ym ye de ko u mylliñ yei noh kyllooid mynisen uni u waheh cha ka Bri u Ynñiawtrep wei khamtam ka thaaiñ East Jaiñtia Hills ha i liang waroh neibynta i bha i miat yong ka thaaiñ.
I yap syndet yong uni u khroo pyrkhat ka thaaiñ man ko i dooh wa khroo bha ya waroh hi ka District.
Ka seiñ booh ko yei kyrpaad kyrpon ya u Blai kynrad wa i mynsien ksiar yong oo u poisuk poisaaiñ ko cha dwar u Blai yow yachem ya ki bei tymmen ki pa tymmen wa ya ki warim wajah we heijooh i por leh yow baam kwai u ha dwar u Blai.
Kamtæ neiliang yong ka seiñ lyngba u Publicity Secretary, u Mebanteilang Sukhlaiñ booh ko ya ka ngooh ka dem ha u Blai kynrad neibynta kiwa ha-yung ha-sem, ki khon ki kti wa kamjooh leh ya ki lok ki jor kiwa emyatoh wa oo, “E wa u Blai kynrad wow pyntngen u ya ki ha kam kini ki por wa ka yung ka sem yong oo kiwa em hapyrdi i sñiawsih.
Discussion about this post