Ka Dorbar Chnong Tpep Pale, Jowai dap ko dei sñiawngooh wa khroo ya waroh ki khon ka chnong kiwa da kreh doh wa mynsien hei wow pynlai bait lai ryntih ya ka Fete yong ka chnong kawa da pynman ha ka 7 wa 8 tarik uni u bnai.
I sñiawngooh lai i cha phi ki khon yong ka chnong kamjooh ya ki chongkha chongman kiwa da wan pynchongchit ya kani ka Fete, kamjooh yei wada yarap kyllooid mynsien phi u pynlai ya ki dukan dukdoh waka khle nasib yong ka chnong.
Chooh chooh i sñiawngooh wa khroo leh lai i cha phi waroh ki lok ki jor najan wa najngai kiwa da yarap kyllooid mynsien u thied ya ki khle nasib kamjooh leh yei wada wan pynchongshit phi ha kini ki sngi ya ka chnong.
“Ka chnong ym ye ko leh wow mylliñ wei wow e khublei kyrpang ya ki bor District kamjooh leh ki pulit kiwa da yarap ya ka chnong khamtam wow pynbait ya i rukom lai ki kari,” da ong ka chnong.
Khublei chiboon ya phi waroh.
