Heiyatoh wei khlaad ka Bei yong i ka (L) Troly Kyndiah ka kurim u (L) Holi Shallam wa chong wa sah ha Panaliar, Jowai haka 17-01-25, neiliang ka yung ka sem dap ko dei mynsien sñiawngooh iwa khroo ya ki kur ki jait, ki kha ki man, ki marjan marpa, ki lok ki jor kiwa na jan na jngai, kiwa mihkhmat waphær waphær khamtam ya ka Dorbar Chnong Panaliar wa ka Dulong wa da emlang phi wa i ha kini ki sngi wa em i haap i oor, i jit i jaw haka yung ka sem yong i.
E khublei kyrpang i ya phi waroh wa da ye phi wow pynlait ya i por wa kordor, hei wow wan pynchngaaiñ phi ya ka yung ka sem yong i ha kini ki sngi nadooh ka 17 tarik hadooh ka 19 tarik wa pyndep i ya ka niam ka rukom.
E wa u Blai Kynrad u emlang u chirup wa phi yow yoh phi dei chait i khiah iwa sarot tam, u kyntu kynrong hei khih i khan, khamtam i burom i akor wei tip i stat ki khon ki kti yong i ha warohlang.
Chihajar Ngooh.
Discussion about this post