I sñiawngooh na ka yung ka sem ka (L) Presila Rymbai

I sñiawngooh na ka liang ka yung ka sem yong ka (L) Presila Rymbai ka khon yong u (L) Heh Shylla kawa man leh ka kurim u (L) Won Syrti kawa da khlaad ha ka 3 tarik uni u bnai wei da tlep emburom ya ka ha ka 5 tarik.

Neiliang yong i pynsñiaw i yei sñiawngooh wa khroo nyngkong nyngchap ya u Blai Kynrad uwa da emlang chirup wa ka yung ka sem yong i waroh kawi.

Wei kwah i u pynsñiaw yei sñiawngooh wa khroo hadooh kattæ katæ:

Ya ka Balang Presbyterian Chiehruphi lyngba u Rev. M. Syih, u Rev. J. Suchiang, u Chairman Balang, u Tbn. E. Lyngdoh, u Secretary Balang, u C. Bareh, ki Tymmen Wasan waroh, ki Rangbah Balang waroh kiwa man leh ki Dkhot EC yong ka Balang kamjooh ya ka Balang hi waroh ka wi.

Related posts

I sñiawngooh na ka yung ka sem ka (L) Marvellous Lyngdoh

June 11, 2025

Khlaad noh u Ma Tyrshaiñ Dkhar

June 9, 2025

Ya ka chnong Chiehruphi lyngba u waheh chnong, u S. Siangshai, u Secretary Shnong, u E. Talang, ki dkhot chnong wa kiwa chong chnong waroh kawi.

Ya ka Jingiaseng Kynthai lyngba kiwa yalam yong ka Chairwoman, ka H. Lamare, ka Secretary, ka N. Suting wa kamjooh ya waroh kawi ka Jingiaseng Kynthai.

Ya ka Seiñkur Bahkhla Central Body ha waroh ka Ri-loom Khasi wa Jaiñtia lyngba kiwa yahkhmat wa ki dkhot yong ka waroh kawi.

Ya ka Seiñ Kur Rymbai Bahkhla Narpuh Border Circle lyngba kiwa yalam yong ka wa ki dkhot yong ka waroh kawi.

Ya ki lok ki jor ki kha ki man ki kur ki jait waroh na kylleiñ soodong kiwa wan na jan na jngai nadooh katu ka sngi wa khlaad ka Bei Men (Bei Bu) ha ka 3 tarik hadooh ka sngi tlep ha ka 5 tarik kamjooh leh i sñiawngooh ya kitu ki lok ki jor kiwa wan sñiawlem cha ka yung ha ki sngi hadien wa dadep tlep. Pynsñiaw i yei sñiawngooh ya phi waroh hadooh kattæ kattæ hadooh wym yoh kyntien de u e ya phi.

Ya ki lok ki jor ki, ki kur ki jait kiwa phah ya ki kyntien sñiawlem wa i kyntien kyrkhu kyrdoh lyngba ka Phone, lyngba ki SMS wei kamjooh lyngba ki WhatsApp Message wa kiwi tawon.

E wa u Blai Kynrad u kyrkhu kyrdoh u ya phi kamjooh ya ka yung ka sem yong phi waroh kawi.

I sñiawngooh na waroh ki khon ki kti, ki ksu wa ki ksu miaw yong ka ya phi waroh.

Ka kyrwoh na u ksu yong ka, u Dametreyo Rymbai.