I neiliang yong kiwa ha-yung ha-sem yong u (L) Samuel Nongtdu, u khon yong ka (L) Kwindalina Nongtdu wa u Leo Dkhar kiwa na ka chnong Dkhiah East, East Jaiñtia Hills District, da e khublei sñiawngooh ya phi waroh kiwa da ya wan sñiawlem, wan pynchngaaiñ, wan yarap phi ya i ha ki rukom waphær waphær nadooh ka sngi wa wiar u hadooh ka sngi pyndep ya ka niam ka rukom wow libooh ya ka met wasah yong oo ha u loom kyntang yong ka Balang Catholic Dkhiah East.
I e khublei wa kyrpang lai ko cha ki para dong nadooh u waheh dong, ya ka chnong Dkhiah East nadooh u waheh chnong, ya ka Balang nadooh u Parish Priest uwa da e bor e mynsien ya i kamjooh leh uwa da pyndep ya ka niam ka rukom.
Sa chisien e khublei chihajar ngooh ya phi waroh ki paralok, parajor kiwa na-jan wa na-jngai, kiwa da e yei pyntngen wei sñiawlem ya i ha kam kini ki por wa sñiawsih yong i.
E wa u Blai Tre Kynrad uwa dap dei kyrkhu u kyrkhu kyrdoh u ya phi waroh.
Khublei chihajar ngooh na kiwa ha-yung ha-sem yong u (L) Samuel Nongtdu.
Discussion about this post