Na kiwa ha-yung ha-sem yong ka Kur Dkhar waka Kur Buam da pynsñiaw i yei sñiawngooh wa khroo ya phi waroh uwi pa uwi nadooh kiwa ha-yung ha-sem, ki kur ki jait, ki kha ki man, ki lok ki jor najan najngai wa ki marjan marpa kiwa da ya emlang wa i wow synraan wei pynchngaaiñ lang ya i ha i por jia wa sñiawsih ha-yung ha-sem yong i hei khlaad noh u D R Michael Buam.
I e khublei i leh ya:
Ki Doctor, ki Nurse yong ka Civil Hospital Shillong, Cachar Cancer Hospital, Supercare Hospital Shillong, NEIGRIHMS wa yaka Dr. Norman Tunnel Hospital Jowai kiwa da pyrchang katwa ye wow e yei sumaar wa paka tam ya oo ha i por wa dang chitom.
Ya u Phadar Ferdinand Dkhar uwa da wan chadooh cha Hospital wow e yei pynsleh wa khaddooh ya oo chwa wow dooh noh yei im u ha kani ka pyrthai.
Ya ka Kyrmen Foundation wa ya u Montri wa emburom yong i, u Kyrmen Shylla.
Ki seiñ kam ki Cherub of Barak Valley, Khasi Jaintia Development Council (KJDC), West Jaintia Boxing Association waka Riti Academy Visual Arts.
Kiwa ha-yung ha-sem waroh kiwa ya emlang wow synraan lang ya i nadooh wa dang em ha Hospital wei kamjooh leh kiwa da yarap wow pynpoi yei doh yong oo cha Iongkaluh hadien wa khlaad.
Ka kur Dkhar, ka kur Kyndait, ka kur Phawa, ka kur Buam wa waroh kitu kiwa dang emyatoh.
Ki Sister, kiwa chong chnong Iongkaluh, u Catechist, kiwa chare ka Balang Catholic Iongkaluh kawa da pyndep yaka niam ka rukom wa khaddooh yong oo.
Ki paralok wa ya krehlang nadooh ka Phidalia Toi, u Riquoma Rq Laloo, ka Yadalada Film Production Pvt. Ltd, u Konel Phira, u Sajeki Passah, u Russel Nongrum, ka Sngewbha Pohthmi wa ya ki paralok wa thoh khubor.
Hanla ym ye i wow e khublei markhmat ya phi uwi pa uwi tangwa chim ya kani ka e khublei kyrpang na i kam ka yung ka sem wei paan maap i leh lada em kiwa toh mylliñ i u pynmih pyrtuid heini.
E wa u Blai i maya wa i suk u kyrkhu kyrdoh u ya i wa ya phi leh kamjooh waroh lang.
Na ka kurim, ki khon wa kiwa ha-yung ha-sem waroh.
I tyrwa i yei duwai wa kyrpang neibynta waroh kiwa ya embyntalang wa i hadooh ka sngi lai tlep.
“I sñiawngooh i ya me Kynrad khamtam neibynta ki paralok parajor, kiwa ha-yung ha-sem wa waroh kiwa ya embynta lang wow e khublei khaddooh ya u D R Michael Buam (baam kwai ha dwar u Blai). I duwai i neibynta yong ki khnang wow em ki barabor hei maya wa i chaniah uwi ya uwi kamwa i leh chaniah i ha me yow pynyoo mi ya ka luti kawa toh. Hapyrdi i eh wa tyngkhooh man-ka-sngi, to yarap ya ki wow kyruiñ ki cha me dei ngait ryngkat wa i maya uwi ya uwi ha ka imlang ka sahlang wa ha ki kaam ki jaam yong ki waroh”.
Discussion about this post