I e khublei sñiawngooh na ka yung ka sem u Ma (L) Matheus Siangshai uwa jooh khut maya u Ma Mor uwa da khlaad ha ka 23-05-2021. I pynsñiaw i yei sñiawngooh nyngkong dooh ya u Blai Tre Kynrad uwa da ri da sumaar ya i wei uwa da emlang wa i ha kam ini i por wa sñiawsih. Kam ka yung ka sem i pynsñiaw i yei sñiawngooh ya u Montri sorkar uwa man leh kam u MLA ka Khliehriat Constituency u Kyrmen Shylla wa kiwa ha yung ha sem yong oo waroh.
I e khublei i ya ki Doctor, Nurse wa ki wakreh ka Bethany wa Supercare Hospital wa ki Doctor wa wan e sumaar ha yung. I sñiawngooh i ya u Deputy Commissioner yong ka East Jaiñtia Hills District. I e khublei i leh ya u waheh chnong u Dras Siangshai, u Secretary Balang Catholic Moolamanoh, ki Covid Committee Chnong, kiwa kitkaam chnong wa ka chnong Moolamanoh hi waroh kawi kiwa da chimkhia wow pyndep ya ki kaam ha ka sngi wa lai tlep.
I pynsñiaw i leh i sñiawngooh ya u DMHO (District Medical & Health Officer) wei kamjooh ya kiwa yah Ambulance. I sñiawngooh i leh ya waroh ki Lyngdoh wa ki Sister khamtam ya ki Sister VSDB wa ya u Fr. Jame Ellister Bareh, Parish Priest Lad Rymbai, kiwa da kyrchaan ya i da i duwai waphær waphær wa da ka Mass wakhooid wa kyrpang.
I e khublei i ya kiwa ha yung ha sem yong u MP u Ma Vincent Pala. I sñiawngooh leh ya kiwa ha yung ka sem ki payu, ki diah, ki pyrsa, ki ksu yong u Ma (L) Matheus Siangshai kiwa na jan na jngai. I e khublei i leh ya ki paralok parajor kiwa ym ye de u niaw pyrtuid kiwa duwai lang wei phah kyrwoh sñiawlem ya i ha iwon iwon i rukom leh.
I tip i wa waroh phi sahnood phi na i daw wa i laad ym chah ya phi wow wan sñiawlem ya i khamtam wow wan e khublei khaddooh ya oo.
Khublei chiboon ya phi waroh ya i sñiawlem wa phi da pynyoo phi lyngba ki Social Media waphær waphær cha ka yung ka sem ka yong i kam i dak wow e bor e mynsien ya i. Ym ye de wow su kylliang yei smat wei sbun mynsien yong phi waroh tangwa i booh won i yei duwai ha u Blai Tre Kynrad wow theh u yei kyrkhu kyrdoh ya phi wa ka yung ka sem yong phi waroh wa daw yoh phi ya i doh i pran wa chait wa khiah.
Laisuk Pa (Baam kwai ha dwar u Blai).
Khublei chiboon, kiwa burom ya phi:
Ka Mila Dkhar (kurim)
U I. Dkhar (khon)
Ka H. Dkhar (khon)
Ka R. Dkhar (khon)
Ka R. Dkhar (khon) wa ki payu, para wa ki pyrsa, ki ksu yong u (L) Matheus Siangshai.
