Ka yung ka sem yong i dap ko dei mynsien makhane wym kyllep rta de yei kyrkhu u kynrad wow yoh ka yung yong i ya u Pa Yurong hei im yong i, uwa da naam da pyrtuid ya oo U Wh. Singh Mulieh.
U Pa yong i uwa jooh man kam u Minister ka sorkar Meghalaya wa kam u Chief Executive Member yong ka JHADC, man u u bru uwa im ha ka yurim “Ka Chaan Kylliang Ka Rap Kylliang”. I thij i pyrkhat yong oo, i chemphang wa ki kaam kiwa leh u ha chilynter iwa im yong oo, chibait bait kdaw i ya kiyi kiyi kiwa em i thrang wa i yooluti yong kiwa boon walang. Yeini i man i long yong oo da chynna che i, wa katwon wa maya wei makhane kiwa boon walang ya ki kaam ki yong oo kiwa da chakri neibynta ka jaitbru haka District yong i kamjooh leh ya ka Meghalaya yong i, kyrpang neibynta i sñiaw parabru ka luti yong i im heini ha pyrthai chong wasa.
I khlaad syndet u Pa yong i daman sakhiat i, i wiar buit i wiar budia kamwa tymmoh u lyoh u palam. Han kattæ, i leh hapyrdi ini i jit i jaaw, ka yung yong i dap ko dei mynsien sñiawngooh i wym em kyntien de wow pyrla yei iwa da em ha mynsien u pynsñiaw ya ki kyntien makhane ya phi ki kur ki kha, ki jan yung jan sem, ki lok ki jor kiwa najan najngai kiwa da wan wow yarap yakan, u pynbiang u pyntoh, wa ood wa naam wow pyndap ya kawi pa kawi ka kamra da itæ i bor Blai wow pasiaw ha i neibynta wow lait i na i jem i lung, wa yei pynkynmoo ha i wa ini toh “I mon i khe u Kynrad” iwa sñiaw i kamwa yoh dieñchdooh u kyrchaan heiwa chaniah skem i ha oo.
Ki kyntien wa da yoh u sñiaw ya ki kaam wa bha u Pa wa ya ki kyntien ood ktien naam wa thapmynsien yong phi kiwa najan najngai, pynhun wei e bor ki ya uwi pa uwi, kawi pa kawi wa ya waroh wachat ha ka yung ka sem yong i.
Neiliang ka yong i pynsñiaw i yei sñiawngooh iwa khroo ya ka sorkar Meghalaya, ya u Chief Minister wa emburom yong i, u Conrad Sangma, u M Chuba Ao, National Vice President BJP, u Sanbor Shullai Cabinet Minister, u AL Hek, MLA, u Ernest Mawri, BJP President Meghalaya, BJP Meghalaya Pradesh, u RC Laloo, Ex-Deputy CM, Ex-MDC JHADC, ka Seiñraij 12 Daloi, ka Seiñraj Jowai, ka Seiñraij Ialong, Seiñraij Mukhla, Sengkhihlang, Dorbar Chnong Loompyrdi Iongpiah, Tyndowapung, Ladthalaboh, Dulong, Chilliangraij, Loomiongkjam kamjooh leh ya uwi pa uwi, kawi pa kawi waroh wachat ki wym ye u khohkhmut khohkhmat yeiwa da ya embynta lang phi wa i ha ka khyllipmat wa ka yung yong i takhooh ko ya ini i jit i jaaw iwa emkaam i yei kyrchaan yong phi ki lok.
Khublei Chihajar Ngooh.
Na ki khon ki nat kiwa ha yung ha sem yong U Singh Mulieh (Ex-Minister Govt. of Meghalaya & Ex- CEM).
Loompyrdi Iongpiah, Jowai.
