I kam ka yung ka sem, dap i dei sñiawngooh iwa khroo ya phi ki kur ki kha ki lok ki jor najan wa na jngai, khamtam leh ya ka Balang Presbyterian Jowai, ka Dong Lumpyrtuh Mihmyntdu, wei kamjooh leh ya ka dong Tpep-Pale wa kiwi kiwi kiwa sñiawlem ya i lyngba ka Phone, wa ki kyntien sñiawlem lyngba ki Message, hajrong i khlaad noh yong ka bei yong i kawa jooh khut maya lang waroh ka “Mei” ka (L) Tikna Passah haka 24-09-21 wa da ya emlang phi chirup wa i hadooh ka sngi wa pyndep i ya ka niam ka rukom haka 26-09-21.
Hanlada ym ye i u e khublei ya phi uwi pa uwi, kawi pa kawi, sñiawbha chim wa kani man ko i sñiawngooh wa khroo tam neibynta yong phi waroh.
U Blai kynrad u nang kyrkhu kyrdoh u ya phi ha waroh ki liang.
Naki khon ki ksu, ki pyrsa kurim wa kiwa ha yung ha sem waroh
Khublei chiboon.
Kamjooh leh ynne ka sngi ka 14-10-21 kynmoo warom i ya ka sngikha yong phi “Mei”, hanlada ym em de phi chirup wa i, ngait skem bait i, wa phi em phi chirup wa i nei wym yoh u yoo.
Nang kyrkhu kyrdoh ya ka yung ka sem ya ki khon ki ksu yong phi waroh “Mei”.
Sngikha wa kmen ha bneiñ “Mei”.
