Ka Dorbar Chnong Moolamylliang, East Jaiñtia Hills da pynsñiaw ko yei sñiawngooh wa khroo yaki paidbah waroh kiwa da wan sakhi ya ka lehkmen Christmas wa u snem thymme hapoh ka chnong iwa da leh deiwa pynriam da ki khrik khrak kiwa da pynpoor soodong ka chnong iwa da sdang nadooh u snem 2019. Tangwa ha uni u snem da i leh wa phylla yong U Blai da wan poi da ki lak ngut nadooh ka 15 tarik u Kmaichonglad hadooh ka 3 tarik u Duiatra 2021.
Ka Dorbar Chnong da e khublei kyrpang ko ya u Montri ka sorkar jylla wa pait yaka Social Welfare Department wa Excise u Kyrmen Shylla, u Montri ka Community & Rural Development Department, u Hamletson Dohling, uwa man kam u kongsan wow wai yeiwa pynriam, u Deputy Commissioner ka East Jaiñtia Hills, u E. Khlarmalki, IAS, u symbood kongsan, u Malthus S. Sangma, MCS, ADC, u SS Syiemlieh, MCS, ADC, u Phasmon Dkhar, MDC Musniang Rngad, ki sahep sorkar, ki bru niam, ki seiñ kreh monsñiawbha, ka Orchestra (Band), Lynshing Presbyterian Church wa ki ki laad pathai khubor kiwa da pynpoor yaka khubor kylleiñ kylleiñ.
Ka Dorbar Chnong sa chisien e khublei snem thymme wasuk wakmen ko yaphi waroh, wei wa u Blai u kyrkhu u yaphi ha waroh ki liang.
Ka kyrwoh na u Apmon Pashiang, Waheh Chnong, Moolamylliang, East Jaiñtia Hills District.
