Ka Dorbar Chnong Pynthor Langteiñ wa ki arliang kur da pynsñiaw ki yei sñiawngooh ya kiwa yarap wa kiwa wan sñiawlem cha iwa jia wa sñiawsih wa da maad ki ha ka 8 tarik uni u bnai hadooh ka 9 tarik wa da lai tlep emburom ya ka Pynjanai Ryngkhlem wa u kurim yong ka u Biangki Phawa chirup wa ki khon kitæ u Edify Ryngkhlem waka Viladaroi Ryngkhlem kiwa da khlaad nei chah ban khyndaw.
I sñiawngooh lai ko cha phi ki lok ki jor waroh kiwa da wan sñiawlem wei wan yarap lang.
Ka dorbar chnong wa ki kur yong kiwa khlaad e khublei kyrpang ki leh ya u MLA ka thaaiñ, u Lahkmen Rymbui wa da noh sñiawbha u yei yarap. Ya ki bor yong ka aiñ hapoh i yahkhmat u OC ka Jowai Police Station, u Sunday Manner wa ki bru yong oo kiwa da yarap wow pyndep yei kaam katkam ka aiñ.
I khublei wei sñiawngooh ya ki bor District ka West Jaiñtia Hills nadooh u DC, u BS Sohliya wa u BDO, u B. Langbang wa da ye ki u wan poi wan pait yei thaw wa jia. Ya ka B. Blah, ADM kawa da yarap u pynlait nei leh ya ka Post-Mortem.
I khublei leh ya u MDC ka thaaiñ, u A. Andrew Shullai, u MLA warim, u S. Mukhim, ki Pastor wa ki Tymmen Wasan na ki Balang waphær waphær, ka Balang Presbyterian Pynthor Langteiñ kawa da e yei chakri wa bha ya ki khon ka Balang, ki khon ka chnong Pynthor Langteiñ khynnah wa waheh waroh kiwa da ya khreh chitom u pyndep ya ki kaam waroh ha ini wa jia sñiawsih, ki paralok seiñbhalang kiwa da wan e yarap waphær waphær cha ka yung, nadooh ka KSU Amlarem Unit, ka JSM Mustem Unit, ka FKJGP West Jaiñtia Hills wa kiwi kiwi ki seiñ wa ki bru samen kiwa najan na jngai ki wym ye de u pynmih i pyrtuid waroh.
Ka Dorbar Chnong Pynthor Langteiñ e khublei wei dap ko dei sñiawngooh hadooh kattæ kattæ yei sñiawlem yong phi, e wa u Blai Kynrad u emlang u wa phi chirup ha ki kaam wa bha yong phi.
Ka dorbar chnong booh ko leh i kyrpaad ya ka sorkar wow yarap lang ko lada em ka laad cha kiwa ha-yung yong ka bei wa u pa yong kiwa da khlaad.
Chi hajar ngooh.
Na u A. Lipon, Waheh Chnong ka Pynthor Langteiñ.
Discussion about this post