Ka Riyasan Group kawa na Pamra Paithlu wa na Wapung Skur hadien wa da yoh ko u rah yei naam jop ya ka yakob pynyoo sap wa tip kam ka Jaiñtia Got Talent 2022 Season 5, da pynsñiaw ko yei sñiawngooh cha waroh kiwa da e yei kyrchaan ya ki.
Neiliang u Sanki Siangshai u khon ka Sailoda Siangshai na ka chnong Pamra Paithlu wa ka Riyakor Dkhar ka khon u Happy Rymbai wa chong wa sah ha ka chnong Dong Moopynieng, Wapung Skur da dap ki dei kmen wa khroo wow yoh yei naam jop lyngba i maya wa i kyrchaan yong phi ki paidbah ka Ri-loom Jaiñtia waroh kawi nadooh ki payu para, ki lok ki jor, ki kha ki man wa ki para chnong para thaw.
Neiliang ka yung yong ki waroh arliang ym ye de ki wow mylliñ yei maya yong phi wei sñiawngooh hadooh kattæ kattæ ya phi khamtam wa phi da kyrchaan phi nadooh wa sdang hadooh wa kut wa da wan pait wei synraan phi ha man ki bynta kani ka yakob khamtam hadooh wa poi Final, wa phi da pynlut phi yei por wa kordor yong phi wow ya emlang iwa da e bor e mynsien.
Da e khublei leh ya ka Krehlang I Society wa pynman ya kani ka yakob neibynta ki khon khynroo khyllood wa em sap wow mih ki chakhmat yow pynyoo yei sap i phong wa kyrpang yong ki.
Kamtæ da pyn-ehdaw ya ka Society wow nang ye chooh chooh ko wow lehbha ya ka Ri-loom Jaiñtia wow nang mih chooh chooh chiboon ki khloor ka Ri-loom Jaiñtia kiwa tyrchaaiñ.
“Neiliang yong i ym em i iyi iyi wow e ya phi, tangwa dap i dei sñiawngooh ya phi yei mynsien wa sbun phi, wei u nang duwai ha u Blai neibynta yong phi wow chait u khlan i doh i pran wow nang roi ka kamai kajih, ka phooh ka phieñ ha yung ha sem yong phi. I da kyrpaad i leh ya phi wow nang kyrchaan chooh chooh ya ini neini chakhmat.”
Khublei chiboon naka Riyasan Group.
