Nyngkong dooh pynsñiaw i yei sñiawngooh ya u Blai uwa da emlang wow pyntngen ya i hawa kam ka yung i da maad i ya u lyoh uwa kah doom ya i ha ka 4 tarik, yeiwa u Blai wa booh wa thaw da yoobiang u wow chim cha oo ya u pa ka yung (L) Filling Up Roy Thubru.
I ym ye i khlem da pynsñiaw yei sñiawngooh i yong i ya phi ki kur ki kha, ki marjan marpa, ki paralok parajor kiwa najan wa na jngai, kiwa da yawan wow pyntngen wei wow yarap ya i ha ki liang waroh, i ya emlang yong phi wa i ha kam ini i ka por, pynstiñ i yei khuslai ki yong i.
I pynsñiaw i leh yei sñiawngooh ya ka Balang Presbyterian Nangbah, nadooh ki Pastor ki Tymmen Wasan wa ki dkhot hi waroh yei sñiawlem wa i kyrchaan i yong phi ha ki duwai ya i kam ka yung hi waroh kawi.
Ym ye i khlem da pynsñiaw yei sñiawngooh ya ka dong Pyngkai Colony, ka kur Thubru, ka yung krehkaam yong ka Forest Department wei kamjooh leh ya ka Khasi Students’ Union nadooh ka CEC ka JHDU, Khliehriat Circle, Jowai Circle, Jowai Unit, Nangbah Unit wa kiwi kiwi yei sñiawlem i yong phi ya i. Yei emlang yong phi wa i, ym em i iyi iyi wow su kylliang ya phi, tangwa da i sñiawngooh wa i duwai wa u Blai wow nang kyrkhu u ya phi waroh wow nang yoh phi yei doh i pran wa chait wa khiah wei leh yei bor yow nang ye phi u e yei chakri ha kiwon kiwon ki kaam wa phi kreh phi.
Paan maap i leh lada toh mylliñ i wow e khublei ya kiwon kiwon. To pdiang yei sñiawngooh wa kynthup lang ya phi waroh kiwa wan wow sñiawlem ya i. I booh i leh yei kyrpaad ya phi wow sñiawbha phi wow kynmoo lang ya i ha ki duwai yong phi.
U Blai u kyrkhu u ya phi.
Kiwa burom ya phi, Mrs. S.Pasi (kurim) wa ka yung ka sem yong u (L) Filling Uproy Thubru.
