Ka Seiñ Raij Tuber lyngba u Rangbah Mansan (President), u R Harvis Phawa da pynsñiaw u i sñiawngooh sñiawburom wei e khublei ya u Symbood Montri Rangbah ka jylla Meghalaya, u Sniawbhalang Dhar, ya u Montri sorkar, u Kyrmen Shylla heijooh i por uwa man kam u MLA, ya u Deputy Chief Executive Member ka Jaiñtia Hills Autonomous District Council, u Lasky Rymbai, ya u Justine Dkhar, Ex-MLA 6-Khliehriat, u Lakhon Dkhar, EM JHADC, u Fineliness Bareh, EM JHADC, ya u Phasmon Dkhar, EM ka JHADC, ya u Eveningstar Teron, u EM JHADC, ya u Deputy Commissioner ka East Jaiñtia Hills, u Abhilash Baranwal, ya u Pa Dolloi Elaka Jowai, u Puramon Kynjing hajrong i pynlait por ki u wan sakhi ya ka lehniam Behdieñkhlam 2023 ka Seiñ Raij Tuber.
Najrong i ya emlang yong ki, ka Seiñ Raij dap ko dei mynsien sñiawngooh sñiaw burom hadooh kattæ kattæ ya u Muhor u Kynthiar, u Synniang u Bynhei (Donation) wa da e ki cha ka Raij khamtam ya u Sñiawbhalang Dhar, u Kyrmen Shylla, u Lasky Rymbai, u Justine Dkhar kamjooh ya waroh ki waheh wasian wa da noh kyllooid mynsien cha ka Raij.
Ka Raij da pynsñiaw ko leh i sñiawngooh hadooh kattæ kattæ ya u Kor Sympli uwa da yarap u noh synniang cha kawi pa kawi ka dong wa chna rong hapoh ka 6-Khliehriat LA Constituency nadooh u snem 2017-2023. Neiliang ka Raij Tuber wym ye de u su kylliang ya ki, u booh kyrpang ko i ngooh i dem ha u Trekirot Kynrad yow nang thæh u yei kyrkhu kyrdoh yaki liang wanang.
I sñiawngooh lai ko leh cha waroh ki Seiñ Raij Chnong, ki Seiñ Raij Dong wa chna Rong hapoh ka Raij Tuber, ya ka Dorbar Chnong Tuber Kmai Chnong, VDP Tuber Kmai Chnong, ya ki Volunteer wa yarap kaam, ki Seiñ Manbei Seiñ Raij Tuber, Seiñ Khynroo Khyllood Seiñ Raij Tuber, kamjooh leh cha ki khlieh wa pait yaka Riti Dustur ka Niam ka Rukom kiwa kynthup nadooh ki Dolloi, ki Langdoh, ki Wasan yong ki Raij waphær waphær, ki Secretary, President yong ki Raij waphær waphær, yaka Seng Khihlang, Seiñ Kyntu Seiñ Raij 12-Dolloi kamjooh ya ki Secretary wa President yong ka.
Dap leh dei sñiawngooh ya ka Synjuk Waheh Chnong Ri Jaiñtia kawa da phah leh yaka u kyrwoh e khublei Behdeiñkhlam ka Raij Tuber. Pynsñiaw i leh i sñiawngooh cha ki kynhun niam namo ki Balang waphær waphær kiwa da phah yaka kyrwoh Behdieñkhlam yaka Seiñ Raij Tuber. E khublei leh ya u Rev. Ferdinand Dkhar, Bishop Elect ka Jowai Diocese wada phah yaka kyrwoh e khublei Behdeiñkhlam ya ki khon ka Raij Tuber, ya u B.S. Sohliya, Deputy Commissioner West Jaiñtia Hills District. I sñiawngooh lai ko leh cha ki seiñhalang waphær waphær hapoh ka Bri u 7-Trep 7- Skum, cha kiwa uiñke suwari ka ri wei na baar ri, kamjooh cha waroh ki paidbah kiwa wan sakhi cha ka lehniam Behdieñkhlam wei kamjooh ki wym yoh u wan dei doh tangwa em ki i mynsien ya kmenlang kiwa da pait lyngba ki Channel waphær waphær, ki Social Media. Sñiawngooh sñiawburom leh yaki Press ki Media kiwa thoh khubor wa lyngba yong ki da pynpoi ki cha waroh ki bynta yong ka ri wei lyngba kini da pynman ko leh ya ka lehniam Behdieñkhlam kawa phooh wa phieñ.
Ka Seiñ Raij Tuber sñiawngooh ko leh yaka chnat Arts & Culture waka Tourism ka sorkar jylla, yaka chnat i chait i khiah, u DM&HO East Jaiñtia Hills, MePDCL East wa West Jaiñtia Hills District, Public Health Engineer Department, Public Work Department, kamjooh yaka yung krehkaam u Superintendent of Police East wa West Jaiñtia Hills District, yaka Fire Service Station na East Jaiñtia Hills District kawa em ha Lad Rymbai, ya ka Police Department East wa West Jaiñtia Hills District, yaka District Administration East wa West Jaiñtia Hills District, ka JHADC, District Information & Public Relation Department ka East Jaiñtia Hills, Disaster Management Department, kamjooh ya ka Meghalaya Aids Control Society kiwa da yarap u kyrchaan neibynta u pynlai bait lai ryntih yaka lehniam Behdeiñkhlam kawa jop wei waphooh waphieñ.
Chim wa ini i e khublei u lai ko cha waroh hi-eh kiwa ya embynta ha kani ka Behdieñkhlam. I thong yong kani ka lehniam Behdieñkhlam u wanrah ya i yatylli khlem da kheiñ ya kawon kawon yow yoh yei suk yei saiñ pynkut ka kyrwoh wyrta na u Rangbah Mansan (President) SRT.
Discussion about this post