Neiliang ka yung ka sem u (L) Elias Susngi da e ko i sñiawngooh wa i e khublei ya ki lok wa wan na jan wa na jngai, nadooh ka Kur Susngi hadooh ka Kur Sungoh, ya ki MLA, MDC, u MDC na ka thaaiñ u Dawan Lyngdoh, u Dolloi ka Elaka Nongjngi, u Pius Daw kamjooh ya ki dkhot ka Raij Namdong, Elaka Nongjngi, u Icidol Pakma, u Lambor Lyngdoh kamjooh ya ki paidbah wa chong chnong yong ki 12 waheh chnong.
Da e kublei sñiawngooh ya ka chnong Namdong-A ha i yahkhmat u waheh chnong, u Arki Sumer, u Secretary u Chainingstar Thubru, ya ki dkhot ka chnong wa ya ki paidbah ka chnong waroh.
Kamjooh leh da e khublei sñiawngooh ya ka Balang Catholic Namdong-A ha i yahkhmat u Head Lambor Lyngdoh wa ya ki Rangbah Balang waroh wa da chimkhia ki ya i kaam heiyatoh wa ka pyndep niam yong u (L) Elias Susngi.
Chooh chooh da e khublei sñiawngooh ya ka chnong Namdong-B hapoh i yahkhmat u waheh chnong, u D.S. War ryngkat wa ki dkhot ka chnong kamjooh ya ki paidbah wa chong chnong yong ka chnong Namdong-B.
Ka yung da e khublei sñiawngooh ko leh ya ka seiñ KSU hapoh i yahkhmat u Chanbor War wa man leh u President ka Namdong Area Circle wa ya ki dkhot ka seiñ waroh.
Heijooh i por da e khublei sñiawngooh leh ya ki seiñ waphær waphær wada pynlait por wa kordor yong ki u wan sñiawlem ya ka yung ka sem yong u (L) Elias Susngi.
Da e khublei sñiawngooh leh ya ka Doctor Passah In-Charge CHC Namdong yeiwa da pynlait ya i kyllooid mynsien ko wow e ya i thaw pynemkaam, khublei Doctor.
Khaddooh da e khublei sñiawngooh leh ya ki Father wa ya ki Sister kiwa kynthup kamni ha wah:
U Rev Fr. Parish Priest u Dominic Kympat, u Rev Fr. Ferdinand Dkhar u Bishop wa thymme ka Jowai Diocese, u Rev Fr. Hilarius Lamare, u Rev Fr. Simion Sungoh, u Rev Fr. Martin Shylla, u Rev Fr. Biker Dkhar, u Rev Fr. Matheus Biang wa u Rev Fr. Aibor Nangbah. Khublei chiboon ya ki Sister kamjooh yei wan sñiaw wyrai wa i duwai neibynta u (L) Elias Susngi.
E wa u Blai Kynrad u thæh u yei kyrkhu ha waroh salonsar.
Khublei Chiboon, Khublei Chi Hajar Ngooh.
Discussion about this post