Da: U Khroo L Pariat
Katni hi wot, da hap i u pyrkhat sani bha, chwa wa u pynemkaam i ya ki mar ka Beirymaw wa toh u pynbiang pyrla hapyrdi u pynneh wa u chna i namo u pynchna i ha i kaam pynroi, i pynbha hei chna yung namo ha i chna sarok. Ka nongmuna, ka sorkar khloh ko ya i khyndaw, daiñ ko ya ki hajar tylli ki dieñ yow chna ko ya u sarok. Tangwa, u thung dieñ won du kajiak donhi, pynskem won ko ya i khyndaw du kat u pynyoo donhi lane ymbien de ko u leh. Wiar ki tyllong um, ki mynsien wa im ha kitu ki thaw.
Man uwi pa kawi ka bru wa chong wa im ha ka chnong ka ri toh u pynlai yumut bha ki wow pynduna ya i kwah rhah wei u tei ya iwa em i kitkhlieh wow imlang chirup wa ka Beirymaw. Khamtam ymtoh dæ du ha ki kyntien, i klam i khana tangwa da hap u pynyoo wot da ki kaam.
Waroh ki riti ki dustur, i sneiñ yong ki jaitbru ha satlak ka pyrthai makhane bha ki ya ka Beirymaw. Ka la’ær, ki dieñ, ki wah, ki loom, ka um, ka diñ, i khyndaw man ki kiwa kyntang weiwa pynkyntang bha ki ya ki. Kyrkhu kylliang ko ya ki bru wa kiwa im ha ka.
Related posts
Ya ki wah ki um ngooh i ki kam ka Bei, wa ya ka tawiar sñiaw ki kam ka Blai. Kani ka akor wa u kheiñ kyntang ya ka talawiar yong ka, da toh u pynkhai pynyieñ pynim sei sien ha kini ki por ki sngi wa thymme katni.
Heiwa sakhiat, i khwan i rhah u bru wa i eh nood yow im, u yoh du samen namo i khapnap da man ko ka daw tynre yong i pynsih, i pynjakhlia ya ka sookun ka Beirymaw wa daw saja kiwa daw yoh pateiñ u im.
I khwan wara wa yow smat u yohnong rap boon, da pynjæd tympra bha ko ya i yatoh wa iwa thoo wa chna wa em mynsien wa pynim, wa ymtoh du i pynjakhlia wa u tympra ya iwa da thoo da booh tangwa e bor ko ya i sñiaw wa ymbien namo u kyntait u pdiang, u yakrehlang da kitæ kiwa em hajrong talawiar ka Beirymaw, kamtæ, emkaam bha wow pynkhai pynyieñ pynim seisien yeini i stat iwa da sikai da ki manchwa longchwa yow pynkhlan ya i yatoh hapyrdi yong i ki bru wa ka Beirymaw ha kini ki sngi katni. Para bru toh u pynchlur i wa u kyntang ya kani ka pyrthai wa u makhane para bru kam kiwa da thoo kyntang wa u pait ya u Blai ha kiwa em tawiar ka Beirymaw. Kani u pynchlur wei pynsmat ko u pynsñiawthooh para bru. Tangwa, du ki bru kiwa sñiawthooh ya i yatoh wa ki bru im ki wa ka Beirymaw kiwa ye wow kheiñkor u kyntang ya ka wa ka tawiar ka yong ka, wa kam kitæ donhi kiwa sumaar pynbha ya ka Beirymaw yow im yow chngaaiñ kiwa daw heh. Kamwa kani ka pateiñ wa katni rap pateiñ ko dei mynsien wa kyllooid na ki manchwa longchwa. U e kti ko leh ha ka pateiñ kawa daw heh deiwa rap bha rap chngaaiñ chooh chooh.
