U Conrad Sangma uwa man leh u Montri Rangbah ka jylla da ong u ka sorkar jylla da thung ko ya ki le tylli ki Committee wow takit ya ki kaam hapoh ka jylla, wei ya ini da ong u hawa kylli heiyatoh wa i man i long ka takit heiyatoh wa ki kaam hapoh ka chnat bordiñ.
Da ong u wa i takit heiyatoh wa ka chnat bordiñ da kynthup ko ya ki kaam wa boon bha ha ki snem wa dadep.
I takit da kynthup i nadooh i rukom thung kreh, i pynkreh ya ki Scheme ka sorkar jylla, ka sorkar pyrdi wa kiwi kiwi.
Chooh chooh da ong u wa ka Committee da kreh chitom bha ko wei da kyrmen skem wa daw ekti smat noh ko ya ka bui (Report).
Kam wow pynkynmoo heini wa ha ki bnai wa dadep ki seiñ saiñpyrthai wa kamjooh leh ki seiñbhalang da pynjoor ki yei dawa wow thung da ka takit wa laitlooid hajrong ki kaam baam-tooh hapoh ka chnat heiwa ka sorkar da thung noh ko da ka Inquiry Committee wow takit ya ini i kaam.
