Jowai: Heiyatoh wa i chah kem ki arngut ki dkhot ka Art of Living ha ki pulit ka West Jaiñtia Hills, ka seiñ da pynche ko wa i leh kini ki arngut toh ka thong yong ki toh wow wanrah yei suk i saiñ namo ka Peace Mission yow yachem wa ki khynroo kiwa da lai cha ka luti wa bakla yow khut biang ki wan ki cha ka luti wa biang ka imlang sahlang.
Da ong ki wa u Khroo Lamsalanki Pariat wa u Samir Jolly da lai ki kam chibynta i thong yong u heh ka Art of Living u Sri Sri Ravi Shankar wow yarap ya ki khynroo kiwa psiah cha ki seiñ keiñ suloi heiwa kam ini i jooh da dep leh ka Art of Living ha Manipur heiwa 68 ngut da liwan yung ki.
Ka Art of Living da ong ko leh wa da ki spah ngut ki dkhot ka United Liberation Front of Assam (ULFA) da dep yarap ko ya ki kamjooh ki dkhot kini ki jait seiñ na Manipur yow ye ki u psiah biang cha ka imlang sahlang.
Chooh chooh ka seiñ da ong ko wa ha ki snem wa da lai da leh ko boon ki kaam wow wanrah ya i suk ha ka imlang sahlang nadooh wow yarap ya ki koidi, ki bru wa chah ktah ha ki kaam yaleh wa ki seiñ kieñ suloi khamtam ki kynroo khyllood wow pynlut bor ki ha ki kaam wa bha.
Discussion about this post