U MLA ka National People’s Party (NPP) uwa man leh kam u Montri sorkar, u Rakkam A Sangma da pynsñiaw u yei sñiaw yong oo heiyatoh waka Voice of the People Party (VPP) deiwa ong wa dang jrong i lai luti yong ka yow ye ko u man ka bor wa khlan ha ki kaam saaiñ hima sima hapoh ka jylla neibhah dang man ko ka Party wa dang thymme.
Hawa yaklam wa kiwa thoh khubor, da ong u wa ym sñiawdur u wa ka VPP kam ka Party wa thymme u ye ko wow ktah ya ki Election kiwa daw man kamjooh ya ka MP neibynta ka Shillong Parliament Seat.
Da ong u wa ka VPP ym pu yoh ko yei thaw yieñ wa skem ha ki kaam saaiñ hima ka jylla.
U Rakkam da ban joor u yei emkaam ya ki Political Party wow booh ya ka thong wa jngai kiwa ye u poi.
Heiyatoh won wa ka VPP kawa da yieñ neibynta i bha i miat ki Khasi, da kyntu u waroh ki Party wym toh u pynsñiaw yaphær jaitbru kamjooh hapyrdi kiwa chong chnong wei khlem pait leh ya ka niam. Chooh chooh da ong u wa kiwa yahkhmat wa biang toh kiwa kdup lang ya waroh khlem da pait ya ka jaitbru, ka dustur riti wa neiwon wan ki bru.
Hawa kylli chooh chooh yeiwa ye ka VPP wow pynkylla ya ka Election, u Rakkam da kyntait u wa daw ye ki deiwa ong wa i thrang yong ki dang man ko du i yimphoo donhi katni wei ka luti wa chakhmat man ko kawa eh.
Da ong u leh i yooluti wow wanrah chiboon i kylla hapoh du kattu katni donhi i por da kawon kawon ka Party toh iwa ym ye u jia.
Discussion about this post