Jowai: Katkam wa man ynne da sdang poor iwi i Video iwa jrong kamwa 6:40 minit iwa pynyoo wa wanrah ya kawi ka bru wa suba wa yoh ko ya u khñiang COVID-19 da ka Ambulance ha kawi ka thaw sumaar wa em ha ri-loom Jaiñtia.
Kani thaw sumaar toh ka CHC wa em ha West Jaiñtia Hills wei hawa yaklam wa ka In-charge kani ka CHC, da ong ko wa ini i Video toh i yong ka Mock Drill namo i pyndur hi-eh wow pynkhreh u yaleh pyrchah lada em ki bru wa yoh ya uni u khñiang wei iyi de wa toh u kylli na ki.
Da pyntip ko leh ya kani ka Mock Drill da pynman ha ka 26 tarik uni u bnai wei ym em kiwon kiwon ki bru kiwa yoh ya uni u khñiang ha kani ka thaw sumaar hadooh ynne ka sngi.
Katkam ka kyndon Section2 (1) (W) yong ka Information Technology Act, 2020 da maham wow booh ya iwon iwon i wym sakhiat kamjooh leh ki khubor hamsaya kiwa ye u wanrah yei syir mynsien ki paidbah iwa ye leh u ktah yei chongsuk chongsaiñ.
Ya kam kini ki Mock Drill da pynman ha kylleiñ ki thaw sumaar ka jylla kam ki Civil Hospital, ki CHC wa ki PHC.
Discussion about this post