Ka yung krehkaam u Inspectorate of Electricity, Shillong da pyntip u wa da chem ha kiwa boon ki Districts ka Meghalaya, da em wa wah kulmar ya ki Optical Fibre Cables (OFC) ha ki chrot bordiñ khlem da pyrkhat yei bor u chrot, lada uwa da rim wei khlem yohbor wow booh sainar katkam ki kyndon aiñ.
Da ong leh wa ini i rukom wah ya ki OFC man ko iwa maa bha ya kiwa lai wa wan kamjooh ki thaw ki bhaw ki bru neibhah ini ye i wow pyndor wei pynoor ya u chrot bordiñ wei ye leh u mynsoo wei dooh yei mynsien bru, ym du itæ ye u chah ktah ki yung bru kamjooh ki kari wa em chajan.
Chooh chooh da kdaw wa dei wym bood ya ki kyndon ka Central Electricity Authority (measures relating to safety and electric supply) Regulations 2010 hawa wah ya kini ki OFC ha ki chrot bordiñ da jia iwa sñiawsih heiwa ki kari wa heh da toh woh ki ya kini ki Cable wei da taan lang ki leh ya u chrot iwa da jia da boonsien ha Shillong kamjooh kiwi ki nongbah ki District wei ini da wanrah i yei ku syndet ka Voltage heiwa da sih ki tiar ki tar ki bru ha ki yung ki sem iwa maa chooh chooh toh wa ini daw pynmynsoo ko ya ki bru.
Da kdaw leh wa ym em bood kyndon wow pynjngai ya kini ki OFC wa ki sainar bordiñ iwa ye wow ktah ya ki bru heipor wa wan kreh wan chna ki lada liat i bordiñ neidaw wa em kini ki OFC.
Kamtæ da phah ya waroh wow paan bor chwa ki chwa ki wow lai wah ki ya kini ki OFC heiwa chwa wow e bor daw lai pait chwa yei long i man ki chrot bordiñ wei da khang leh neini chakhmat wow leh yeini khlem da yoh bor na u Senior Electrical Inspector, Inspectorate of Electricity ka sorkar Meghalaya.
Kiwa leh pyrchah daw pynchitom ya ki katkam ka aiñ Electricity Act 2003.
