Ka FKJGP-Khliehriat Circle ynne ka sngi heipor kamwa 11:00 waje i step, da yoo ko ya kawi ka Truck kawa pynhiar tiar ha sarokbah ha Ladrymbai khlem da pyrkhat yei lai i wan kiwi de ki kari kamjooh ki bru iwa da wanrah yei sahkut kari ha kani ka thaw wei da lait u lai du chilliang donhi.
Kamtæ neiliang ki dkhot ka seiñ da lai ki wow beh ya kani ka kari deiwa maham leh wym toh u pynhiar mar ha uni u sarok heipor sngi neibhah wa ktah ware ko yei lai i wan.
Ka seiñ da ong ko wa i por pynhaap mar toh nadooh 8:00 waje i miet hadooh 7:00 waje i step ya kitu ki wym em thaw pynyieñ kari yow pynskuk yei lai i wan ki paidbah katwa kitu kiwa em thaw pynyieñ kari ye ki wow leh ha iwon iwon i por.
Neiliang ka seiñ da pynkynmoo ko leh wa hajrong ini i kaam, da dep phah ko dei ujor cha u Deputy Commissioner ka East Jaiñtia Hills ynnin u snem wei neiliang u DC leh dadep pynman u yaka yalang wa ki waheh chnong deiwa emlang ka seiñ ki Truck wa wan pynhaap mar yow pynbait por tangwa katni da sdang biang wow pynhaap mar kulmar wei ka seiñ dadep ko wow chem boonsien yei sahkut kari ha ki thaaiñ Khliehriat wa Ladrymbai.
Neiliang ka seiñ da kyntu ko ya kiwa yah Truck wow ya krehlang ki deiwa bood yei por wa da booh yow lait u chitom ki bru ha ki thaaiñ Khliehriat wa Ladrymbai.
Discussion about this post