Ha ka yalang pynbait pood yong ka Assam-Meghalaya kawa da pynman ynne ha Guwahati deiwa emlang ki ar ngut ki Montri Rangbah, kitæ u Conrad Kongal Sangma wa u Himata Biswa Sarma da yaklam leh yei ya kynaad wa da mih ha ka chnong Lapangap ha kani ka tayaaw.
U Montri Rangbah ka Assam hawa klam wa kiwa thoh khubor da ong u wa ha ka yalang da chim yei rai wow e laad ya ki Deputy Commissioner wow pynbait neibhah toh i kaam wa du ha kani donhi ka thaw kawa yatoh wa i kynrum kynram ha ki thaw rep.
Da ong u wa da phah ya waroh ar ki DC yong ka West Karbi Anglong wa u DC ka West Jaiñtia Hills wow pynbait ya ki kynrum kynram deiwa yachem man-i-por wei lada ki DC ym ye ki wow pynbait, neiliang ki ar sorkar daw phah tuklar noh ha ki Regional Committee na waroh ar jylla yow lai pait cha katai ka thaw.
Da ong u leh wa neiliang ki ar sorkar da phah ya jar jiar ki DC wa toh u e laad ya ki warep na waroh arliang khnang wow lait ki u maad yei eh.
Discussion about this post