Jowai : Ynne i step heipor kamwa 3:30 kawi ka bus Nightsuper kawa em u no. As 10 C 4187 da kylla ko dei chrooh hadien wa yait ko ya kawi ka Truck wa wan mar pyrchah wa ka, wei ini da jia i ha Umlidoh, Mihmyntdu.
Kani ka bus Nightsuper toh kawa wan na Karimganj wei thmu ko u lai cha Guwahati, wei ha ini i jia da mynsoo hadooh 5 ngut kiwa kynthup ya uwa yah, uwa yarap ya uwa yah wa kawi ka manbei.
Kini kiwa mynsoo da tip kam u Ramkrishna Chandro, 40 snem i rta, uwa man leh uwa yah ya kani ka bus; u Sakil Raman uwa 25 snem i rta uwa man leh uwa yarap ya uwa yah; kiwa chong hapoh (passenger) ka Sumita Deka, 31 snem i rta; u Ploba Dey, 30 snem i rta wa u Sutrendro Sinha, 52 snem i rta.
Waroh kiwa mynsoo toh kiwa na Karimganj, Assam wei da pynkit ya ki cha Jowai Civil Hospital, Ialong.
Ha iwi won iwa jia, kawi ka truck kawa em u No. Nl 01K 9592 da syngkhood ko na chrooh (neiliang uwa yah) ya kawi ka kari Maruti Van wa em u No. Ml 04 B 1707.
Ini da jia i hajan ka FCI Godown ha Khliehtyrchi, wei da kynnoh toh ka truck da syngkhood ko ya kani ka van neidaw wa pynyieñ khlemakor ko pyn harood u sarokbah na Jowai cha Shillong. Ha ini won i jia ym em wa mynso.
Discussion about this post