Shillong: Ka seiñ yong kiwa sikai SSA hapoh ka South West Khasi Hills hei yatoh wa i su tulop sak cha ki account kiwa sikai da lai yachem ki ya u DMC ka Mawkyrwat hei yatoh wa ini.
Ynnin ka 6 tarik ka seiñ Meghalaya SSA Schools Association (MSSASA) South West Khasi Hills District Unit hapoh i yahkhmat u Tlanwosly K Jahrin, General Secretary, wa u Lambert Thyrniang President MSSASA Mawkyrwat Block Unit da lai yachem ki ya u W. Biam DMC SWKH District. Wei da chim ya ki rai hawah:
1. U DMC da pynche u yei daw wa slem u phah tulop sak cha ki Account yong ki hapoh ka SWKH District toh wym ngait ki SMC yong ki kattu katni ki skur wa pyllai da ki bru samen wa ki seiñ niam wei da phah u yeini cha ki bor wa toh u pait yeini ka State Project Director (SPD).
2. U DMC pyntip u ya u State Project Director (SPD) SSA-SEMAM ha kani ka 5 tarik uni u bnai heiwa da yoh jubab wa ong wa emkaam u pynkrehkaam ya kani ka hukum kawa da pynmih nadooh u Naikhynde 2013 wa Kmaichonglad 2016 hei yatoh wow phah ya ka tulop sak cha ki account kiwa sikai wei kani ka hukum man ko kamni:
a. Emkaam wa ka tulop kiwa sikai u thap bait ha ka Account yong ki hadien wa thap ya ka cha ka Account ki DMC/BMC.
b. Da phah ya ki SMC wow pyllait ya ka tulop kiwa sikai lyngba ka E-Transfer khlem pep.
c. Da mana wa ymhoi u su ya ka tulop da ka poisa.
3. U DMC leh da pyntip u cha waroh ki Branch Manager yong ki Bank hapoh SWKH District chaphang kani ka hukum na ka SPD wow pynkreh noh ki yeini bran bran.
Kamtæ ka MSSASA – SWKH District Unit da kyrpaad ko ya kiwa sikai SSA hapoh SWKH District (Mawkyrwat wa Ranikor Block) wow man ki kiwa yaichah.
Discussion about this post