U Sniawbhalang Dhar, Montri ka chnat Tourism hawa booh ya u mooyurim yong ka Hospitality Complex kawa daw chna ha Thadlaskeiñ da ong u wa manda em ki seiñbhalang wa pynman yakhih da ki tayaw da ktah kylla ko yei yoh nong ka jylla neibhah uwi u dakhar wa chah dat da poor ko kylleiñ kylleiñ wa dat dakhar, pynyap dkhar iwa da wanrah yeiñ tieñ.
“Boon ki khynroo wym sñiawthooh yei emkaam wow ye u pynyatoh wa kiwi ki jylla, ym johke ki wa tang ka Degree Engineer leh ym yoh hapoh ka jylla yong i, hadooh ka BA leh em kiwa phah khon cha baar ka jylla, ki tip ki du ha Beltola donhi wei mar ya poi Byrnihat da kyrbeh boi ya dat ki dakhar wei ileh wa jia kamni, toh wa sih ya idæ te suba ya kiwi tawan,” da ong u Sniawbhalang.
Heiyatoh wa da kylli won ileh wa tang ka tulop leh ym ye u su tangwa ki tamasa wa boon wa ye u pynman. Da ong u wa kam kiwa yahkhmat ym jooh kamai ki deiwa dooh nong tangwa da kamai deiwa yoh nong bait yow pynku ya ka kaam uiñke suwari.
Kamtæ da ong u lada dang ki khynnah sarok wa ye u batai mut wa ym pu biang u man kam kiwa yahkhmat.
Da ong u leh wa kiwa rah lama yong, kiwa yachong hakhmat Sceretariat toh du ki wym em khih suda, wei ki bru wym emkaam daw leh ki chiboon yow wanrah ya ka la-ær wei sñiaw dooh kyrmen.
Kamtæ da ong u wa manda wan ki bru cha ki thaw yong i toh u ong ki hap wan biang sa chisien ym toh wym bien de u wan sa chisien wei i kam ki bru toh u tip i kammon wow pdiang ya kiwa wan.
