I yakhun u Kiang Nangbah ya ka sorkar phareng man leh wow yada yei dustur riti ka jaitbru, ong u Lat  

Ka 30 tarik u Kmaichonglad toh ka lyngkhooh sngi yap u khlawait ka Ri-loom Jaiñtia, u Kiang Nangbah, wei ha kani ka sngi da kynmoo warom ya oo ha ki bynta waphær ka jylla, kamtæ ynne ka sngi neiliang ka Seiñraij Jowai leh da chim ko ya ka bynta wow leh warom ya ka lyngkhooh sngi yap wa 162 yong oo ha ka yalang wa da pynman ha Myngkoi Pyrdi, Iongpiah.

Ha kani ka lehkmen kynmoo warom, u Lat ka Jylla, u C.H. Vijayashankar da man u kam u kongsan, hei emlang u MLA ka Jowai, u Wailadmiki Shylla, u DC wa SP ka West Jaiñtia Hills District u B.S. Sohliya, u C. Syrti wa kiwi de.

Da yoh i klam pdiang na u President ka Seiñraij Jowai, u H. Toi, i ngooh Blai na u Dolloi ka Elaka Jowai, u Puramon Kynjing, katwa heiyatoh i parom u Kiang Nangbah da yoh na u Dr. Chanlangki Bareh.

Ka Seiñraij ha kani ka sngi da e burom haroh ko ya u (T) Kambel Shullai hajrong ki kaam wa bha yong oo, kamjooh wa chimkhia u wow pyndep yaki kaam niam, khamtam wada man leh uwa chem ya ka Khnap Thangbru (Eco-Friendly Crematorium).

Related posts

Mynjur ka India wa ka Pakistan wow sangeh chwa yei yasiat

May 10, 2025

Da phah khang ya 32 tylli ki Airport wa em ha India

May 10, 2025

Ya u (T) Roskil Challam hajrong ki kaam wa bha wa sbun yong oo cha ka seiñ haki bynta waphær waphær, khamtam wa yarap u yaki khon ka Niamtre wow su nong yaki tymmen Thangbru heipor waka seiñ dawa yarap bha ko.

Neitæ ya u Mai Mai Laloo uwa man u bru wa pynyoo ka nongmuna wa bha haki bynta waphær waphær lyngba ka sap wa kyrpang han hapyrdi i tymbuiñ i duna i doh i pran, wei da man u leh uwa jop ha kiwa boon ki jait yakob Arm Wrestling wot cha baar jylla kamjooh.

U kongsan, u C.H. Vijayashankar kam u Lat ka jylla Meghalaya hawa klam da yaroh u yei khooid i jngiar deiwa ong wa ini toh deiwa em i kitkhlieh kiwa chong chnong.

Neitæ pynsñiaw u leh i kmen wow yoh u embynta ha kani ka sngi kynmoo warom ya u Kiang Nangbah kam u Khlawait ka Ri uwa man kam u bru paidbah tangwa da ye u wow yaleh pyrchah ya ka sorkar pharæng wei ka yaleh yong oo man haroh ko kam wow yada yaka dustur riti ka jaitbru. Wei ini pynkynmoo ko ya i waroh wow yieñ skem i neibynta kani ka jooh ka yurim.

Da yaroh u leh ya ka Seiñraij kawa da ye u pynneh pynsah yei yong uwa rim nadooh ka Behdieñkhlem, ka Chaad Sukra wa kiwi deiwa ong wa kitu ki wym tip ya ka History ym ye ki u chna ya ka History wa thymme.

Kamtæ yow kynmoo yei naam u Kiang Niangbah waroh leh toh u em i i kitkhlieh wow pynneh pynsah yei yong rim.