Shillong : Ka Asian Confluence, Shillong Centre, chirup wa ka NEOtakus da pynman ki ya ka Shangri-La Cosplay wa ar sngi ha kani ka 20 wa 21 tarik uni u bnai.
I riam Cosplay toh yow pynbood yei rukom riam kiwa boon ki maar næ ki Superhero na ki phlim hadooh ki cartoon iwa da pynbood ki bru ha kylleiñ ka pyrthai wei da sdang da ki bru ka ri Japan.
Da pynman ya ka yow yoh kiwa ka-it u riam Cosplay ka thaiñ Northeast yow yoh ki u yachem lang wei heijooh i por man ko kam ka yakop heiwa da bichaar ya kiwa stat dooh u riam wei ya kiwa jop ye ki u yachim bynta ha ka yakop yong waroh ka ri wei lada jop ki ha ka tai ka kyrdan daw yoh ki u lai cha Japan.
Ya ka World Cosplay Summit 2017, daw pynman ha Nagoya, Japan ha u Ñaisaphra.
Ka wa jop ya ka preliminary round ka The World Cosplay Summit (WCS), Chakbi Lombi na Arunachal Pradesh, da emlang ko ha kani ka sngi deilang wa kiwi kiwa riam Cosplay wa pawnaam na Arunachal Pradesh ka Juno Pinggam wa ka Chiichi Gichik wei da man ki kam kiwa bichaar ya ka Cosplay.
U Bandame Lyndem, NEOtakus’ team lead organiser, da ong u wa da sñiawkmen bha u ya i wan chimbynta chongchit ki paidbah na kiwa boon ki thaw wei da man ko leh kam ka laad wow yoh ya i tipmit i wym du chaphang ka Cosplay kamjooh leh da man kam i yachem ki bru yow ya sñiawthooh ya ki dustur riti yong kiwa boon ki jaitbru yong ka thaiñ Northeast.
Discussion about this post