I iñ i yung ki muktiar ka Shillong Bar Association ynnin i miet iwa da dep yieñ la 111 snem iwa em hajan ka yung krehkaam ka DC ha Shillong da wanrah ko yei dooh nong ya kiwa boon ki muktiar kiwa da pynemkaam yeini i yung wow booh ya ki kot ki sla yong ki kamjooh da man ko leh kam ka thaw yachem wei ka thaw kreh yong ki.
Da dooh leh ya kiwa boon ki kot ki sla kiwa emkaam wei kattæ da man sa du wow kynmoo tympang, heiwa da em ki muktiar kiwa da pynemkaam yeini i yung nadooh wa sdang ki wow yasaaid aiñ.
Ini i yung dieñ wa tip kam i Assam Type da yoo nyngkong yeiwa iñ i da u bru wa yang miet yeini i thaw heipor kamwa 10:30 uwa da khana wa yoo u yei kop diñ ki saiñar bordiñ wa em ha kani ka yung wei da pyntip u wut-wut cha ki pulit ka Fire & Emergency Services kiwa da wan wei da ye ki wow tem yei diñ hapoh 30 minit tangwa i diñ da dep i baam lut ya ki chuki, ki miej wa ki kot ki sla.
Ynnin i miet da wan leh wow piat yeini i yung da u Montri Rangbah, u Conrad K Sangma deilang wa u Symbood Montri Rangbah, u Sniawbhalang Dhar.
Neiliang u Conrad da ong u wa ini toh i dooh wa khroo wei iwa sñiawsih tangwa embhah wym em wa mynsoo næ kiwa yap, wei ka sorkar u pait ko yeini.
Discussion about this post