Jowai : Katwon man i iwa phylla wei yoo tieñ wa hadien wa yoh u sakhi ya uwi u transformer wa booh ka MeECL ha Khliehrangnah, Shanpung wada ieh ya oo khlem kær.
Ki paidbah ka chnong da pyntip ki wa ini i ieh ya uni u transformer man i iwa da boon snem bha.
I ieh ya uni u transformer ye i u wanrah yei mynsoo wei dooh ya ki mynsien wa kordor.
Uni u transformer em u harood sarok hajan yung ki bru wei em u leh ha u sarok wow lai cha ki ar tylli ki skur ha kani ka chnong.
Lada jia iwon iwon wa sñiawsih yi wow bahkhlieh yeini?
Ini toh katkaam ka khubor wa da e u Presient ka HYC Laskein Block u Ngeitmon Suchiang.
Discussion about this post