Shillong: Heiyatoh wa i pyrchah ki seiñbhalang yei thung ka sorkar ya ki ar ngut kiwa yahkhmat ka Non-Tribal Youth Union (NTYU) kam ki Vice Chairman ki chnat sorkar, ynnin ka sngi u Vijay Raj uwa da thung kam u Vice Chairman ka State Government Program Implementation and Monitoring Committee da ieh noh u ya kani ka chuki lyngba ka chithi wa thoh u cha u montri rangbah ka jylla.
Ynne ka sngi won u Pawan Sharma uwa da thung kam u Vice Chairman ka Meghalaya Commission on Resources Mobilisation da ieh noh u ya i kaam yong oo lyngba ka chithi wa thoh u cha u montri rangbah ka jylla.
Ha ka chithi ieh kaam da ong u wa neidaw wa em ki seiñbhalang kiwa pyrchah joor yei thung kaam Vice Chairman ya oo wei ym sñiawthooh u neiyi i daw wa pynmih ya ini i kaam heipor wa pynman ya ka yalang pyrchah ya ka Citizenship Amendment Bill 2016 neibhah nei yong oo samen oo leh pyrchah u ya kani ka Bill boi ye u man wa em iyi iyi cha kylla pyrda, kamtæ da chim u ya ka rai wow ieh noh ya ini i kaam.
Da ong u leh wa u pteiñ hi u wow kreh neibynta ka imlang sahlang wei pteiñ u pyrchah yei thmu ka sorkar pyrdi wow pynman aiñ ya ka CAB.
Also Read: Chwa wow bichaar ka sorkar ya ki ar ngut ki Vice Chairman, ieh noh uwi ya ka chuki
Discussion about this post