Jowai : Hadien wa joor bha i yakhih ki khynnah puræ ka Kiang Nangbah Government College ha u snem 2015 hei yatoh wa kiwa boon ki duna hapoh kani ka College i wi na ki dawa toh yow chna pynmiat ya ka Hostel ki chynrang.
Ha u Wish (March) 2016 da sdang u pynkreh ya kani ka hostel wei da looid ya ki yit, ki dwar, ki pipe um wa kiwi yow kylliang thymme.
Ha u Naichiphaw u snem 2016 wa da dep, da sangeh yei kreh iwa da booh ya kiwa sah ha kani ka Hostel hei chitom wa joor bha neibhah ki paikhana da man ki kiwa da sih neidaw wada looid ya ki pipe, ki khiandwar toh ki wym em yit, ki dwar ki wym em taksaw ki wym chong bha ha ki chowkard iwa mut ki wym ye u khang hook wei da haap thohlaad ya ki laad wa ha rukom yow ye u khang dwar.
Ki khynnah wa sah ha kani ka thaw da pyntip ki wa heipor wa slap ha kini ki sngi wa da dep da ong ki da psiah lut u slap cha kamra wa sah ki. Da pyntip ki leh wa kani ka Hostel ym em Warden ko wei da psiah da mih ki bru katwa ngait.
Hei yatoh wa ini, ha ka 23 tarik u Deputy Director ka Directorate of Higher and Technical Education (DHTE) da wan sylli u ya kani ka Hostel wei yei kreh wa da dep leh. Em leh ki khubor wa ong wa kani ka Hostel da pynkreh ya ka khlem em ka mang poisa na ka sorkar.
U Principal ka College leh da pyntip u wa dep thoh ki cha DHTE yow pynyoh noh ya u Cook, u Chowkidar wa kiwi yow ye noh u wai ya ka Hostel Kynthai.
Discussion about this post