U President ka Hynniewtrep Student Union (HSU) u K. Rymbai da phah u ya ka kyrwoh wa da e u ya ka chithi iehnoh kaam cha u Secretary yong ka seiñ.
“I iehnoh kaam yong nga toh dei mynsien wa khooid, wei ym em iwon iwon i wym ya sñiawthooh yumut hapoh ka seiñ kamjooh wa ym em iwon iwon i daw lait noh ki daw yong samen ki wym ye de u yait iwa man i daw wa hap iehnoh yei kaam kam u khliehdooh ka seiñ, wei lada ym em de O hapoh ka seiñ tangwa yei mynsien maya jaitbru ym em wow ye u pyndooh na nga,” da ong u Rymbai.
Da kular u leh wow pteiñ u yarap ya ki para doh para snam yong i kiwa emkaam yarap kat i bor wa ye u.
Khaddooh chwa wow pynkut da kyntu joor u ya kiwa yahkhmat kiwa dang em haka seiñ wym toh u kheiñstiñ neibynta ka yap ka im ka jaitbru wow kreh chitrhem khlem da kynran dien neibynta ka khia ka chon ka yap ka im ka jaitbru, deiwa ong, “Lada ym yieñ yaleh katni mynnu u yieñ phi neibhah i por ym jooh yang ko ya kiwon kiwon,” pynkut ka kyrwoh na u K. Rymbai.
