Da: U Soolangki D. Laloo
22 Thohlakhmi 1972, sngi wow sahkhanatang,
Hakhmat ka pyrthai wow waboon walang,
Jaiñtia Hills District yong phi yong nga,
Ha kani ka sngi da pynkha.
Sñiaw sarong u tip 25 snem nachwa,
Waheh wasian dei sñiawkhia,
Im kliaw i man wei sñiaw ki ya kani ka sngi,
Wow khreh u tayar yei lehkmen leh burom Silver Jubilee.
22 Thohlakhmi 1997,
Hapyrdi i phooh i phieñ ha madan Ryngkaw,
Lehkmen Silver Jubilee Celebration da pynman,
Lat ka jylla M.M.Jacob kam u Kongsan.
Sakhi won ya kani ka sngi ha uni u snem,
I leh cha ma-ai, i lehkmen leh burom Golden Jubilee ym em?
Kat cha wa peit wa kyruiñ kiaw kiaw, kaw kaw,
Yoo lakam waban wa tymmoh u synñiaw.
Aa! Ileh cha ma-ai, tyndep i man wei sñiaw ki khon ka ri.
Wow pynkhroo, yei man sarot, kyrpang kani ka sngi?
