Ynnin ka sngi ka KSU- EJHDU hapoh i yahkhmat u Phanuel Tongper, Environment Secretary, u Skhem Lapasam, Organising Secretary ka KSU Narpuh Circle da hiar ki chadooh Malidor wow pait yei man i long u sarokbah NH-6 heiwa da sdang nadooh na Lumshnong cha Malidor wei da chem wa da em i kreh wa da sdang hadooh Sonapyrdi.
Ka seiñ da ong ko wa i kreh man iwa habra khamtam ha Tongseng wa da siang da i khyndaw-bilat du chiliang wei da ieh donhi kamtu wei ini i rukom kreh wanrah donhi i yei sahkut kari man-ka-sngi neidaw wym em kiwa pynlai kari katwa i kreh na Sonapyrdi cha Malidor won ym em iwon iwon leh.
Da ong leh wa da em du i kreh ya ki liar narood sarok, deiwa kylli cheiwon u Contractor wa chimkti wow kreh sarok nadooh Thangskai-Lumshnong-Malidor.
Chooh chooh da ong ko wa katkam wa tip i kreh nadooh na Thangskai chadooh Malidor, ka NHAI da e kti ko ha ka Dhar Construction Company tangwa u sarok man uwa langam kiaw wei lada kamni weileh wym e kti ka NHAI yei kreh cha kiwi kiwa biang ki tiar ki tar wow kreh.
Ka seiñ da ong ko leh wa tip ko wa kani ka Company kreh sarok ko kylleiñ wei ym biang de ko kiwa kreh wa ki kor wow kreh ya uni u sarok, deiwa kylli sa katwon u maad ki paidbah yei eh i khor, wei u sarok toh uwa da dap laphooh wei kammon u lai thoh Exam ki khynnah.
“Ki khonboo wa khynnah yoh kjut ki nei laphooh wa chyrkhei wa mih na u sarok ha chi lynter na Thangskai chadooh Malidor. Katwa nadooh Thangskai chadooh Jowai By-Pass da pynkhreh da ka PBPL wei i kreh ha uni u sarok man uwa lai chaaid chaaid,” da ong ka seiñ.
Ka seiñ da dawa ko na ka sorkar jylla wa ka NHAI wow khana che wa lada u pynkreh næ ym pynkreh khnang wa ka seiñ u tip ko wow leh yeiwa emkaam.
Ki paidbah da ood da khñium ki man-ka-sngi, kiwa kjut wa chitom chem pap ki wow batai neibhah ym em uwi wot wa ye u yaichah yei chah ieh beiñ u sarokbah ha ka sorkar wa ka NHAI, wei da tip ka seiñ leh duna ka mang poisa yow chna ya uni u sarok.
Discussion about this post