Im biang u bru chwa u thang uwa da pynbna ki Doctor kam uwa da yap

U bru wa khlot wei thloon uwa em 25 snem i rta uwa tip kam u Rohitash Kumar uwa da pynbna da ki Doctor toh uwa da yap ha Junjhunu District ka Rajsthan, da im biang u chwa wow thang oo.

Hadien wa jia ini da chah Suspend le ngut ki Doctor.

U Rohit toh uwa sah ha kawi ka Shelter Home u wym em de kiwa ha-yung ha-sem, wei hadien wa im biang u, da kit biang oo wut-wut cha ka District Hospital wei da booh ya oo hapoh ka ICU tangwa da khlaad noh u ha ka sngi wa bood.

Neiliang u DC, u Ramavtar Meena da Suspend u ya u Dr. Yogesh Jakhar, u Dr. Nabneet Meel wa u Dr. Sandeep Pachar uwa man kam u u PMO ha ka miet ka 21 tarik uni u bnai.

Katkam ka Police Report, ya u Rohit da wanrah cha ka BDK Hospital ha Jhunjhunu ha ka 21 tarik heipor 2:00 waje i sngi hadien wa chitom joor u wei ki Doctor da ong ki wa da yap u wei da booh ya oo hapoh ka Mortuary.

Related posts

Saam symbe jhoor u Wailadmiki cha ki 100 ngut ki warep

February 2, 2026

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Hadien wa dep ki pulit wow leh yeiwa emkaam, da kit ya u Rohit cha i thaw thang tangwa syndet syndet chwa wow booh hei thaw thang da sdang im biang u, kamtæ da phah Ambulance wei da kit biang oo cha Hospital.

Sa iwi iwa bakla toh wym em leh Post-Mortem ya uni u bru tangwa da pynlait bait oo wow lai kit chei thaw thang tangwa ha ki kot ki sla da ong wa dadep leh ya ka Post-Mortem.

Ha jrong ini waroh da thung u DC da ka takit.