Da u Soolangki D. Laloo
Kdar ha ki phra snem nachwa ym ye u myllin lyndet wa ynne ka sngi 16 tarik Naiynru man ko ka sngi wow sahkynmoo sahkhanatang ya ki khon ka Raij Jwai wa kamjooh ya waroh ki khon ka Ri Le phaw Syiem- Khadar Dolloi wa hapyrdi wa dang dawa i por ka juk wow yoh ka pyrthai u sakhi u ioo yei sap wei chemphang wa sarot kiwa man i myntoi yaka imlang sahlang ieh syndet u Wh. Kambell Chullai yeini i pyrthai chongwasa.
U Wh. Kambell Chullai man sakhiat u bru wa da e sap kyrpang u Trekirot heiwa i sap wei chemphang yong oo wow pynmih pyrthai ya ka Khnap Thangbru næ Eco-Friendly Crematorium man i burom wa khroo yaka ri waka jaitbru wei ka e myntoi leh liang wanang ya ki bru wa pynemkam yaka kamjooh yada ko leh yei man i long ka rymaw heiwa neiliang ka sorkar leh da tipmit wei yaleh chooh chooh u pynkroo yei naam i pyrtuid yong oo hakhmat ka pyrthai.
Khynde snem nachwa ynne ka sngi
Wh. Kambell Chullai dajngai na i,
Bru wa chynna jngai yei chadien chaphrang
Khakti wym wiar wei sap kyrpang.
Eco-Friendly Crematorium dachna,
Kylleiñ ki chnong ki thaw da bna.
Khmat bru kat wa yoo yei man yong ka
Du kiwa yaroh yei sap mi iwa paka.
Chiboon ya me wa niawliang niawtang
Ya ki kaam wa sah wa yooluti wa yang
I por ya me won ym chah de i,
Hukum Blai datoh wow lai neini.
Wh. Kambell Chullai im i pyrtuid i naam yong me
Chihajar Ngooh wei Sñiaw Makhane.
