Ha iwi i jia wa da chemdien yei buit psiah tooh chapoh India chirup deilang ki bru wa yarap wow pynyoh ki kot ki sla, neiliang ki pulit ka Bhopal da yoh ki wow kem ya uwi u Bangladeshi uwa tip kam u Abdul Kalam uwa da im hapoh Bhopal kamwa 8-10 snem hei pyrtuid ka Neha kawa man kam u Hijra.
Da chem wa u Kalam da psiah u chapoh India hei rta wa dang 10 snem wei da im u ha Mumbai kamwa 20 snem chwa wow lai sah u ha Budhwara, Bhopal deiwa man kam u Hijra deilang wa kiwi ki Hijara wa em ha kani ka thaw heiwa da ye u wow pynbiang ki kot ki sla nadooh u Aadhaar Card, Ration Card wot hadooh ka Passport deiwa pynemkaam da ki kot ki sla wa chna thok deiwa yarap ki bru wa leh ya kam kini ki jait kaam.
Hei takit ki pulit da chem wa u Abdul ym du wa im u dei pyrtuid wa chna thok tangwa da lai u cha baar ri da ka Passport India wa chna thok. Heipor wa sah u ha Bhopal leh da kyrriah yung na iwi cha iwi i thaw ha Budhwara wei kiwa boon da tip ki oo kam ka Neha. Kattæ ki pulit da lai yah ki oo cha ki Doctor yow pyntikna lada toh u chynrang næ kynthai.
I takit dang lai i chakhmat yow tip wa lada kiwi ki Hijra emkti ki heini i kaam nadooh i por wa em u ha Maharashtra, tangwa da yoh wow kem ya ar ngut ki khynroo kiwa da yarap ya oo wow pynyoh ya ki kot ki sla wa da chna thok.
Ki pulit da ong ki wa ini ye u man iwa dang khian donhi iwa da chem ki wei ye u em boon kiwi kiwa emkti wow yarap ya kiwa ba baar ri wow pynyoh ki kot ki sla yong ki. Ki pulit da kem ki leh ya ka Phone u Abdul wei da pait yeiyi yaklam u yow chemdien de sa kiwi wa yarap ya oo.
Ya u Abdul da phah kset 30 sngi hapoh ka aiñ Foreigners Act.
Discussion about this post